طالبان یک سرباز پولیس پیشین و سه غیرنظامی را در تخار تیرباران کردند
۸صبح، تخار: منابع محلی در ولایت تخار می‌گویند که نیروهای طالبان یک سرباز پولیس در حکومت پیشین را در این ولایت تیرباران کرده‌اند.
منابع امروز پنج‌شنبه، ۲۱ ثور، به روزنامه ۸صبح می‌گویند که نیروهای طالبان دین‌محمد، سرباز پولیس را پس از چاشت امروز در کوچه کلفگانی‌های شهر تالقان، مرکز ولایت تخار، تیرباران کرده‌اند.
به گفته این منبع دین‌محمد پس از سقوط جمهوریت مصروف کارهای شخصی خود بود و با هیچ گروهی در ارتباط نبود.
در یک رویداد دیگر طالبان امروز سه باشنده روستای ایمند ولسوالی ورسج تخار را پس از بازداشت به اتهام همکاری با جبهه مقاومت ملی، تیرباران کرده‌اند.
مسوولان محلی طالبان در پیوند به این رویدادها چیزی نگفته‌اند.
