والی طالبان در زابل: تمام کارمندان حکومت پیشین را برکنار می‌کنم
۸صبح، زابل: منابع محلی در زابل می‌گویند که والی طالبان در این ولایت گفته است، تمام کارمندان حکومت پیشین را از وظایف‌شان برکنار می‌کند.
منابع محلی می‌گویند که ملا بسم‌الله عبدالله، والی طالبان در زابل روز شنبه، ۱۵ اسد، در نشستی با حضور بخش‌های ملکی و نظامی در مقر ولایت گفته است که تمام کارمندان حکومت پیشین را در این ولایت برکنار خواهد کرد.
به گفته والی طالبان در زابل، کارمندان حکومت پیشین قابل اعتماد نیستند و در فساد دست دارند.
این در حالی است که طالبان چند روز پیش ۲۰۰ کارمند حکومت پیشین را در ولایت زابل خانه‌نشین کردند.
