کارمندان شفاخانه معتادان در سمنگان، جوزجان و فاریاب معاش نگرفته‌اند

۸صبح، سمنگان: منابع محلی در ولایت‌های سمنگان، جوزجان و فاریاب می‌گویند که کارمندان شفاخانه‌های معتادان در این ولایت‌ها ۳ ماه می‌شود که معاش نگرفته‌اند.

منابع محلی روز یک‌شنبه، ۲۲ جوزا، به روزنامه ۸صبح می‌گویند که ۱۶ نفر در شفاخانه معتادان در سمنگان، ۲۰ تن در شفاخانه معتادان جوزجان و ۲۵ تن در شفاخانه معتادان فاریاب، عرضه خدمات می‌کنند.

به گفته منابع، این کارمندان از آغاز سال جاری تا کنون معاشات‌شان را دریافت نکرده‌اند.

کارمندان این شفاخانه‌ها می‌گویند، در حالی که بهای مواد اولیه با گذشت هر روز افزایش می‌یابد، نمی‌توانند نیازمندی‌های خانواده‌های‌شان را تأمین کنند.

طالبان نه تنها معاشات کارمندان شفاخانه‌های معتادان بلکه بقیه کارمندان دولتی را نیز نتوانسته‌اند بپردازند.

دکمه بازگشت به بالا