تر ډېره افغانان چې کله د ډزو غږ واوری، په ذهن کې یې سم لاسی د جګړې، ناامنۍ او وژنو انځور جوړېږی، خو په وروستیو کې د هېواد په ځینو برخو کې د خوښیو ډزو هم هېوادوال ډېر اندېښمن کړی.

په اقتصاد او مالی چارو کې د پاکستان د صدراعظم سلاکار مفتاح اسماعیل وایی امریکا د مالی منابعو د څار د نړیوالې ادارې په غړو پسې ده چې پاکستان د ترهګرو د مالی ملاتړو هېوادونو په څارلست کې شامل کړی.

د لوګر د کار او ټولنیزو چارو رییس، شاه خان ولیزوی وویل، دغه ودانۍ چې په دوه پوړونو کې جوړه شوې، ۱۶ کاری خونې، سالون، کتابتون، خوړنځی او نور اړین ملحقات لری.شاه خان ولی زوی زیاته کړه چی د حرفوی زده کړو له مرکزه په فارغ شویو ۱۰۰ کسانو کې ۲۸ ښځې هم شامل دی چې اړینو حرفو او کسبونو کې یې زده کړې کړی دی.د ده په وینا چې د زده کړو په یاد شپږ میاشتنی پروګرام، څه دپاسه درې میلیونه افغانۍ لګښت شوی دی.

د محمد آغې ولسوالۍ یو قومی مشر او بزګر، محب الله چې د خپل کلی کتب خېلو په استازیتوب د کلیو پراختیا ریاست ته راغلی دی، په لوګر ولایت کې د ولسی تړون د پروژو ستاینه کوی. دی وایی چی ولسی تړون پروګرام یو داسې پروګرام دی چې د خلکو د ستونزو او اړتیاوو په اساس پروژې پلی کوی او کوم کارونه یې چې تر اوسه کړی ټول بریالی دی.

د افغانستان د هوا پېژندنې اداره وایی، سره له دې چې لا هم د نورو ورښتونو هیله شته خو سږ ژمی د تېرو دوو ژمو په پرتله په سلو کې ۳۰ لږ واوره او باران اورېدلی دی.